فى غزة لحوم البقر اغلى من ارواح البشر

لاتستغربوا من هذا العنوان لانه حقا في غزه لحوم البقر والبقر ذات نفسها اغلى واثمن من اروح البشر تعالو احكي الكم كيف ؟؟؟؟ (( بالعاميه ))

يعني كيلو اللحمه في غزه ب 50 شيكل او اكثر وحق البقره كلها من 1000 دينار ل1500 دينار او اكثر حسب زمه البياع هلقيت هادا بالنسبه للذبح او للبيع طبعا مابدنا ننسى نحكي عن البقره وهي عند البياع يعني لسه بالحوش طبعا عنايه مكثفه اعلاف من اسرائيل واضواء مشعله وممكن ينحط الها موسيقه كمان بتكون مكيفه البقره ............. المهم خلينا ننتقل للانسان

هادا الانسان منيل وحالته على الله طبعا كهربا مافي وعايش على احلى موسيقى والي هيا صوت الرشاشات
وغير الاهانه الي بنشوفها من حماس وللعلم حماس بتحترم البقر بشكل مش طبيعي لانه قاده حماس بيحبوا النوع الفاخر منها

ولما تيجي تنتهي حياه الانسان بكل بساطه بتنتهي على رصاصه حقها من 15 الى 20 شيكل رخيص الرصاص عنا بغزه لانو كثير
يعني اصبحت روح الانسان تسوى 20 شيكل بينما البقره مجرد الكيلوا منها ب50 شيكل

شايفين لوين وصلت الانسانيه وروح الانسان ال ربنا فضلو على سائر المخلوقات

مش راح طول عليكم ومارح نقول غير

الله يفرجها علينا

مع تحياتي

امبراطور الشجاعية

بعين الله يا اخي امبراطور الشجاعيه والله الوضع اللى وصلنا فيه بغزه المنكوبه محزن جدا لما نشاهده من مأساة فعلا لاهلنا بغزة وبنقول الله يفرجها علينا
ولا حول ولا قوة إلا بالله

خالد عمر

ان لله وانا اليه راجعون
قســــم

امبراطور الشجاعية
تحيا الشجاعية واهلها
اننا لا نصنع المعاناة .... ولكن المعاناة تصنعنا .
تقبل مرورى وردى

والله موضوعك حلو يا اخي امبراطور